Isa na namang Pilipino ang posibleng mapabilang sa hanay ng mga santo ng Simbahang Katolika kasunod nila San Lorenzo Ruiz at San Pedro Calungsod.
Ito’y makaraang isumite na sa Vatican ng Archdiocese of Nueva Segovia sa Ilocos Sur ang may 4,000 pahinang dokumento na nagrerekomenda na gawing santo si Bishop Alfredo Verzosa.
Ayon kay Msgr. Gary Formoso, tinanggap naman ang mga dokumento ng Pontifical Congregation for the Cause of Saints.
Dahil dito, tatawagin nang venerable o servant of god si Verzosa habang pinag-aaralan na ng Vatican ang buhay at mga aral ng obispo.
Sinasabing isa si Verzosa sa mga nakasaksi sa milagro sa Lipa noong 1948 o ang pag-ulan ng mga talulot ng rosas sa kumbento ng Missionary Catechists of the Sacred Heart na kanilang itinatag.
By Jaymark Dagala