Sweet at memorable ending.
Ito ang ibinigay ng huling episode ng ABS-CBN’s “On The Wings of Love” na pinagbibidahan nina James Reid at Nadine Lustre sa kanilang mga fans, Biyernes ng gabi.
Pinaghalo-halong emosyon ang naramdaman ng mga manonood sa wedding scene at ‘happy ending’ nina Clark at Leah na pinaganda pa lalo ng theme song nito na kinanta mismo ng singer na si Kyla.
Tila naging turned into reality ang scene pagkatapos ng kasal dahil LIVE na lumabas sina Nadine at James sa Ynares Center sa Antipolo Rizal, kung saan ipinalabas din para sa libu-libong OTWOLISTA ang pagtatapos ng teleserye.
Naging highlight sa event ang pagkanta mismo ng Jadine loveteam ng theme song ng show at ang pinakahihintay na ‘real kiss’ ng dalawa, na pati mga celebrities ay hindi naitago ang excitement na inihayag sa social media.
Matatandaang inamin ng ‘Jadine’ na officially mag-on na sila noong nakaraang linggo.
Photo: Screengrab from dreamscapeph/ Instagram