Minaliit ni Atty. Estrella Elamparo ang magkahiwalay na Temporary Restraining Orders ng Supreme Court laban sa ruling ng Commission on Election na nag-di-diskwalipika kay Senator Grace Poe sa 2016 presidential race.
Kabilang si Elamparo sa naghain ng disqualification cases laban kay Poe.
Naniniwala si Elamparo na nais lamang ng korte suprema ng karagdagang panahon at oportunidad upang pag-aralan at resolbahin ang petisyon nang hindi hinaharang ang pagiging pinal ng COMELEC resolution.
Umaasa rin ang abogado na dedesisyunan ng s.c. ang kanyang petisyon alinsunod sa saligang batas.
Samantala, itinakda naman ang oral arguments sa mga petisyon sa January 19, 2016, 2:00 ng hapon sa bagong session hall ng Supreme Court.
By: Drew Nacino
