Target ng Senado na maisalang sa bicameral conference committee ang panukalang 2020 national budget bago matapos ang Nobyembre o unang linggo ng Disyembre.
Gayunman, plano pa rin ng Senado na magpasa ng resolusyon para palawigin pa ang extension sa paggamit ng 2019 national budget sakaling mabalam pa rin ang pagpasa ng 2020 budget.
Ayon kay Senador Sonny Angara, chairman ng Finance Committee, napag-usapan na sa caucus ng mga senador na gamitin ang susunod na dalawang linggo sa mga sponsorships at interpellations sa budget at isa pang linggo para sa amendments at approval. — ulat ni Cely Ortega-Bueno (Patrol 19)
