Welcome development para sa House Prosecution Team ang desisyon ng Korte Suprema na nagpapahintulot na magpatuloy ang impeachment trial laban kay Vice President Sara Duterte.
Ayon kay House impeachment adviser at spokesperson Robert Ace Barbers, makatutulong ang desisyon upang makumpleto ng prosecution ang paglalahad ng kanilang mga ebidensya.
Aniya, nakatuon ang kanilang panig sa paglalahad ng ebidensya, pagsusuri sa mga testigo, at pagpapatunay sa mga alegasyong nakapaloob sa Articles of Impeachment, kabilang na ang:
- Article 4 na tumutukoy sa assassination threats o bantang pagpapapatay kina Pangulong Ferdinand Marcos Jr., First Lady Liza Araneta Marcos, at dating House Speaker Martin Romualdez.
- Article 1 na tumutukoy sa misuse of confidential funds o maling paggamit ng pondo ng OVP at DepEd sa ilalim ng pamumuno ni VP Sara.
- Article 3 o ang bribery and corruption.
- Article 2 na tumutukoy naman sa unexplained wealth o hindi maipaliwanag na yaman ng Bise Presidente.
Layunin ng prosecution na kumbinsihin ang mga senator-judge sa kanilang mga inilalahad na ebidensya at hilingin ang paghatol o conviction laban kay VP Sara.
Ang Korte Suprema ay nag-dismiss sa mga petisyon na kumukuwestiyon sa ruling ng Senate Impeachment Court kaugnay ng voting threshold sa conviction, dahil sa kawalan ng standing at pagiging premature ng mga petisyon. | Sa panulat ni Geli Mendez
