Inanunsyo na ng Samahang Basketbol ng Pilipinas ang training roster o listahan ng mga manlalaro ng Gilas Pilipinas Women na magsasanay para sa 2026 FIBA Pre-Olympic Qualifying Tournament na magaganap sa Guadalajara, Mexico.
Kabilang sa listahan ang mga star players na sina Jack Animam at Kacey Dela Rosa; maging ang mga veteran Gilas player na sina Afril Bernardino at Janine Pontejos; at mga rising stars na sina Vanessa De Jesus at Sophia Dignadice.
Ayon kay SBP Executive Director Erika Dy, magsasanay ang Gilas Women sa Estados Unidos; at mula sa labimpitong player, pipiliin ang labindalawang sasabak sa FIBA Pre-Olympic Qualifier.
Kapansin-pansin naman na wala sa listahan ang naturalised Filipino player na si Elizabeth Means, dahil, ayon kay Dy, tututok ito sa 3×3 program ng Gilas Pilipinas. | Sa panulat ni Anjo Riñon
