Nakukulangan si Akbayan Party-list Rep. Perci Cendaña sa mga hakbang na inilahad ni Pangulong Ferdinand Marcos Jr. sa kanyang ika-limang State of the Nation Address (SONA) upang tugunan ang mataas na presyo ng kuryente.
Ayon kay Cendaña, “tingi-tingi” lamang ang solusyong inilatag ng Pangulo at hindi sapat upang mapagaan ang pasanin ng mga konsyumer.
Bagama’t suportado niya ang panawagan ni PBBM na alisin ang systems loss charges, sinabi ng mambabatas na kailangan pa ng mas malawak o “wholesale” na reporma, kabilang ang pagtanggal o pagbabawas ng value-added tax (VAT) sa kuryente mula 12% patungong 10%.
Aniya, ang mga mahihirap na Pilipino ang pinaka-apektado sa value-added tax kaya dapat din itong iprayoridad ng pamahalaan.
Dagdag pa ni Cendaña, kung tunay na layunin ng administrasyon ang magbigay ng economic relief sa publiko, dapat ay isinama rin sa mga prayoridad ng Pangulo ang dagdag-sahod para sa mga manggagawa. | via Geli Mendez (Patrol 30)
