Binoykot ng Senate Minority Bloc ang ikalimang State of the Nation Address ni Pangulong Ferdinand Marcos Junior, kahapon.
Kabilang sa hindi dumalo sina Senate Minority Leader Alan Peter Cayetano, Senators Imee Marcos, Robin Padilla, Loren Legarda, Bong Go, at Pia Cayetano.
Ayon kay Senador Alan Cayetano, mas pinili niyang panoorin na lamang ang SONA sa telebisyon bilang isang simpleng paraan ng kanyang protesta laban sa administrasyon.
Nakakaumay naman ang isang dahilan ni Senador Marcos habang nalulungkot dahil sa aniya’y kinahaharap na mga kaso ng ilang kasamahan sa minorya.
Ipinaliwanag naman ni Senador Padilla na hindi siya nakadalo dahil sa isang family affair, kasabay ng pahayag na nais niyang maiwasang makainsulto sa pangulo kung hindi siya makikiayon sa palakpakan o pagtayo ng ibang dumalo sa SONA.
Samantala, wala namang ibinigay na dahilan sina Senators Loren Legarda, Bong Go, at Pia Cayetano sa kanilang hindi pagsipot sa SONA ni Pangulong Marcos. | mula sa panulat ni Jordan Gutierrez
