Naniniwala si Akbayan Party-list Representative Percival “Perci” Cendaña na marami pang kailangang gawin ang Marcos administration upang mapabuti ang kalagayan ng peace and order at seguridad sa bansa.
Ayon kay Cendaña, hangga’t nananatili ang mga insidente ng karahasan at krimen, hindi pa maituturing na sapat ang pagtugon ng pamahalaan sa seguridad ng publiko.
Binanggit din niya ang insidente sa isang paaralan sa Tacloban, na aniya’y nagpapakita ng mga hamon sa seguridad at sa sistema ng edukasyon. Iginiit niyang dapat gamitin ng kasalukuyang administrasyon ang natitira nitong dalawang taon sa panunungkulan upang maisaayos ang sektor ng edukasyon, kabilang ang pagtugon sa kakulangan ng mga silid-aralan.
