Aminado si Agriculture Secretary Francisco Tiu Laurel Jr. na mas pinipili na ngayon ng maraming Pilipino ang imported rice kaysa lokal na bigas, na nagdudulot ng hamon sa sektor ng agrikultura.
Ayon kay Secretary Laurel, unti-unti nang nawawala sa merkado ang lokal na bigas dahil sa mas mataas na demand para sa imported na produkto.
Limitado, aniya, ang kakayahan ng pamahalaan na pigilan ang pagdami ng imported rice, at maaari lamang nitong hikayatin ang mga trader na kontrolin ang pag-aangkat.
Matatandaang matapos alisin ang apat na buwang import ban, muling pinayagan ang pagpasok ng imported rice sa bansa, na ibinebenta ngayon sa halagang 43 pesos hanggang 48 pesos kada kilo sa ilang pamilihan sa Metro Manila.
