Nakatakdang pagbotohan ng oversight body ng International Criminal Court kung sisibakin nito si Chief Prosecutor Karim Khan.
Ito’y sa gitna ng kinakaharap nitong kaso ng sexual misconduct, kung saan nagkaroon umano siya ng relasyon sa isa sa kanyang mga babaeng staff.
Mariin namang tinututulan ni Khan ang mga naturang alegasyon.
Gayunman, pagbobotohan ng Assembly of State Parties, ang oversight at legislative body ng ICC, ang kapalaran ng nasabing abogado sa isang special session sa UN Headquarters sa New York City mamayang gabi, oras sa Pilipinas.
Matatandaang bago lumitaw ang mga alegasyon laban sa kanya, saglit na hinawakan ni Khan ang kaso laban kay dating Pangulong Rodrigo Duterte sa ICC. | Sa panulat ni Anjo Riñon
