Bineberipika na ng Philippine National Police ang mga ulat na umano’y nakalabas na ng bansa ang puganteng businessman na si Charlie “Atong” Ang, na itinuturing na umano’y utak sa pagkawala ng maraming sabungero.
Ayon kay PNP Chief General Jose Melencio Nartatez Jr., hindi pa nakukumpirma ng mga awtoridad kung totoo ang impormasyong umano’y nakatakas na paalis ng Pilipinas si Ang.
Aniya, ang huling nakumpirmang kinaroroonan ng negosyante ay nasa loob pa rin ng bansa, at patuloy na sinusuri ng PNP ang mga lumalabas na ulat tungkol sa kaniyang pinaghihinalaang pag-alis.
Sa kabila nito, naniniwala pa rin ang PNP na malaki ang posibilidad na nasa Pilipinas pa si Ang habang nagpapatuloy ang manhunt operation laban sa kaniya.
Samantala, nilinaw ng Bureau of Immigration na wala silang tala na nakalabas kamakailan ng bansa si Atong Ang.—sa panulat ni Daniela De Guzman
