Tuloy ang trabaho ni Pangulong Rodrigo Duterte sa kabila ng iniindang sakit sa katawan.
Ayon ito kay Senador Bong Go at sa katunayan aniya ay haharapin ng pangulo ngayong araw na ito si Chinese Vice Premier Hu Chunhua bagamat hindi tinukoy ng Senado kung sa Malakaniyang o sa Davao magpupulong ang dalawang opisyal.
Si Hu ay nasa bansa para sa isang official visit kung saan isusulong nito ang trade relations, investment, tourism at agrikultura ng dalawang bansa.
Una nang lumabas sa MRI result ng pangulo na nakakaranas ito ng muscle spasm at pinayuhang magpahinga muna. — ulat mula kay Cely Ortega Bueno (Patrol 19)
