Sinabi ni Ombudsman Jesus Crispin “Boying” Remulla na nasa huling yugto na ang fact-finding investigation ng kanilang tanggapan laban kay dating House Speaker Martin Romualdez kaugnay ng kontrobersiya sa flood control projects.
Ayon kay Remulla, malapit na nilang ihain ang kasong plunder, ngunit kailangan pa munang plantsahin ang ilang detalye upang matiyak ang tibay ng kaso.
“We’re very close to filing the plunder charges, but we still have to cross the t’s and dot the i’s,” dagdag pa ni Remulla.
Umuusad na aniya ang kaso laban sa dating House Speaker mula fact-finding investigation patungo sa preliminary investigation.
Una nang itinanggi ni Cong. Romualdez ang alegasyong siya ang nasa likod ng umano’y anomalya sa flood control projects.
