Pormal na inilunsad ngayon ang China Walk: Discover Shandong, na isang espesyal na media exchange program para sa mga mamamahayag mula sa Pilipinas, Vietnam, at Indonesia.
Bahagi ito ng paggunita sa ika-35 anibersaryo ng ASEAN-China Dialogue Relations at ika-5 anibersaryo ng Comprehensive Strategic Partnership.
Sa loob ng siyam na araw, bibisitahin ng media delegation ang iba’t ibang lungsod sa Shandong Province upang masaksihan ang pag-unlad sa rural revitalization, pangangalaga sa tradisyunal na kultura, at mga makabagong industriya.
Layunin ng programa na palalimin ang pagkakaibigan ng China at ASEAN sa pamamagitan ng pagpapalakas ng people-to-people exchanges at pagpapakita ng mga oportunidad para sa mas matibay na kooperasyon. | via Jopel Pelenio (Patrol 17)
