Nakapagtala ang Department of Education ng mas maraming insidente ng karahasan sa mga paaralan matapos ang mass shooting sa San Jose National High School sa Tacloban City noong Hunyo.
Ayon kay Education Undersecretary Malcolm Garma, dumami ang mga banta ng pambobomba, shooting threats, at iba pang kaso ng karahasan, na posibleng epekto ng tinatawag na “copycat phenomenon.”
Mahalaga aniya ang tulong ng iba’t ibang ahensya upang mapigilan ang paggaya sa mga nasabing insidente.
Binanggit naman ni Senate President Sherwin Gatchalian na nakaaalarma ang datos na 41.2% ng mga estudyanteng Pilipino ang nakaranas ng pagbabanta mula sa kapwa mag-aaral.
Kaya isinusulong ng lider ng Senado ang panukalang ipagbawal ang paggamit ng social media sa mga batang disi sais-anyos pababa.—sa panulat ni Jordan Gutierrez
