Muling tumaas ang utang ng pamahalaan noong katapusan ng Mayo.
Batay sa datos ng Bureau of Treasury, umabot sa halos P18.55 trillion ang kabuuang outstanding debt ng bansa, halos sampung porsyentong mas mataas kaysa sa naitalang P16.92 trillion sa kaparehong panahon noong nakaraang taon.
Mas mataas din ito ng 0.41% percent kaysa naitalang outstanding debt ng bansa noong Abril na P18.47 trillion.
Ito anila’y dahil sa paghihiram ng pondo ng gobyerno upang masuportahan ang pangangailangan sa pambansang budget sa gitna ng nagpapatuloy na sigalot sa Middle East.
Ayon kay dating Socioeconomic Planning Secretary Dante Canlas, pangkaraniwan nang maituturing ang pagkakaroon ng budget deficit sa bansa.
Dagdag pa ni Canlas, pinabagal at pinahina pa ng digmaan sa pagitan ng Estados Unidos at Iran ang paglago ng gross domestic product ng bansa, na sinamahan din ng pagbaba ng nakokolektang government revenues. | Sa panulat ni Anjo Riñon
