Isinailalim sa maintenance ang official website ng Senado matapos ang hinihinalang hacking ng grupong nagpakilalang “NullSec Philippines.”
Kumalat sa social media ang screenshots na nagpapakita ng pag-deface sa Senate website at mensaheng bumabatikos sa korapsyon at nananawagan ng kaliwanagan at pananagutan sa gobyerno.
Ipinost ang umano’y defacement ng cybersecurity monitoring page na “Deep Web Konek” at agad namang inalis ang apektadong page.
Naganap ang insidente sa gitna ng ipinatupad na heightened security sa Senado dahil sa banta sa seguridad nito.
