Aminado si Senador Panfilo Lacson na sinadyang mag-walk out ng ilang kapwa miyembro ng Senate minority para mawalan ng quorum at ma-adjourn ang sesyon ng Senado, kahapon.
Ayon kay Senator Panfilo Lacson, bagaman liyamado sa bilang ang mayorya, tila minamadali naman na pagbotohan ang panukala ni Senador Rodante Marcoleta na amyendahan ang Section 41-C ng Senate Rules para makadalo online at makaboto pa rin sa sesyon ang ilang kapwa senador kahit wala ito mismo sa loob ng Senado.
Sa gitna ito ng nagpapatuloy na manhunt operation kay Senador Ronald dela Rosa at ang namumurong arrest warrants laban kina Senators Jinggoy Estrada at Joel Villanueva, na magpapahina sa bilang ng mayorya.—sa panulat ni Mark Terrence Molave
