Posibleng madagdagan pa ang ilalabas na arrest warrant ng International Criminal Court laban sa ilang personalidad sa Pilipinas.
Ito ang kinumpirma ni National Bureau of Investigation Director Melvin Matibag, matapos pormal na ilabas ang warrant of arrest ng ICC laban kay Senador Ronald “Bato” dela Rosa.
Bukod sa senador, kabilang din sa pinangalanang co-perpetrators sa kinakaharap na kasong crimes against humanity ni dating Pangulong Rodrigo Duterte sina Senador Bong Go, dating Justice Secretary Vitaliano Aguirre II, at dating National Police Chief Oscar Albayalde.
Kaugnay nito, nanindigan ang NBI chief na nananatili silang handa sakaling ipatupad na ang implementasyon ng mga matatanggap pang warrant order. —sa panulat ni Mark Terrence Molave
