Inilabas na ng International Criminal Court ang agenda para sa nakatakdang status conference sa kaso ni dating Pangulong Rodrigo Duterte sa susunod na linggo, Mayo 27.
Batay sa agenda ng international tribunal, kabilang sa mga tatalakayin ang magiging petsa ng pagsisimula ng trial, bilang ng mga testigo at ebidensya, expert witnesses, at witness protection measures.
Samantala, isasapubliko naman ang unang status conference para sa paglilitis ng dating pangulo, maliban sa mga posibleng sensitibong isyu na may kaugnayan sa seguridad ng mga testigo.
Maliban dito, pinayagan din ng ICC si Duterte na lumiban sa nasabing status conference matapos nitong i-waive ang karapatang dumalo. —sa panulat ni Mark Terrence Molave
