Magsasagawa ng paunang imbestigasyon ang Commission on Elections (COMELEC) tungkol sa mga iligal na donasyon kay Senador Francis “Chiz” Escudero sa kampanya nito sa nagdaang 2025 senatorial elections.
Ayon kay Comelec Chairman George Erwin Garcia, nakatanggap ang komisyon ng panibagong reklamo na isinumite ng vlogger na si Atty. Jesus Falcis.
Dagdag pa ni Garcia, kaakibat ng reklamo ni Falcis ang ilang dokumento na magsisilbing ebidensya sa naturang kaso, na naisumite na rin sa Comelec Law Division.
Matatandaang sinubukang i-disbar ni Sen. Escudero si Falcis sa Korte Suprema dahil sa paglabag umano nito sa Code of Professional Responsibility and Accountability; habang nagsampa naman ng kontra-reklamo si Falcis sa naturang senador dahil umano sa “weaponisation of power” upang matanggal ang kanyang lisensya bilang abogado. —sa panulat ni Anjo Riñon
