Nakatutok na rin ang National Electrification Administration (NEA) sa mga electric cooperative nito sa Albay, sa gitna ng nagpapatuloy na pag-aalburoto ng Bulkang Mayon.
Ayon sa NEA, inatasan na nila ang Disaster Risk Reduction and Management Department nito na magpatupad ng nararapat na contingency measures upang mabawasan ang posibleng epekto ng aktibidad ng bulkan sa operasyon at supply ng kuryente sa mga apektadong lugar.
Patuloy naman ang mahigpit na pagbabantay ng Phivolcs sa aktibidad ng Bulkang Mayon at hinihikayat ang publiko na sumunod sa mga abiso ng mga otoridad.
Sa ngayon, nakataas sa Alert Level 3 ang Bulkang Mayon na nangangahulugang posible ang pagsabog sa loob ng mga susunod na araw o linggo.
