Marami na tayong naririnig na kwento tungkol sa mga hitman kung saan hina-hire sila para paslangin ang isang tao.
Kaya naman nabahala ang bansang Sweden nang napaulat ang tungkol sa pinakabatang hitman sa kanilang bansa.
Kung anong nangyari sa menor de edad? Eto.
Isang 12-anyos na lalaki sa Sweden ang tinaguriang “child assassin,” matapos siyang mapaulat tungkol sa pagbaril niya sa isang 21-anyos na lalaki na nakasakay sa isang sasakyan kapalit ng 250,000 Swedish Crowns o mahigit isang milyong piso.
Batay sa ulat, ang tunay na target ng batang hitman ay ang kasama ng lalaking kaniyang nabaril na kasama nito sa sinasakyang kotse, pero napag-alaman ng mga otoridad na lahat ng sakay sa kotse ay mga taong may criminal records.
Kahit menor de edad pa ang lalaki, naniniwala ang mga otoridad na hindi ito ang kaniyang unang hit job.
Sa tulong ng mga witness sa krimen, naaresto ang bata matapos itong tumakas sa bahay ng kaniyang lola papunta sa ibang siyudad para magtago.
Isa pang ikinabahala ng mga otoridad ay ang pagtaas ng bilang ng mga menor de edad na sangkot sa krimen sa kanilang bansa, kung saan nire-recruit umano ang mga ito sa pamamagitan ng social media kapalit ng malaking halaga ng pera.
Kahit may batas ang Sweden na hindi maaaring ikulong ang mga sangkot sa krimen na may edad 15-anyos pababa, napagdesisyunan ng korte na ituloy ang kaso laban sa batang hitman dahil sa krimeng kaniyang ginawa.
Ano ba talaga ang dapat gawin sa mga menor de edad na sangkot sa mga krimen? Dapat ba silang makulong o dapat gabayan pa rin sila ng kanilang mga magulang?
