Halos hindi na mahulugan ng karayom ang Pasig Mega Market dahil sa sobrang dami ng mga mamimili para maghabol ngayong bisperas ng Bagong Taon.
Sa pag-iikot ng DWIZ team, mas dagsa ang mga mamimili sa fruit section, vegetable section, at meat section.
Sa ngayon, mas mataas na ang presyo ng prutas na naglalaro sa 100 pesos hanggang 110 pesos ng mango; 60 pesos ang kada kilo ng dalandan; 40 pesos kada piraso ng orange; 70 pesos kada 1/4 ng ubas; 50 pesos ang 1/4 ng chico; tatlo singkwenta naman ang mansamanas.
Habang ang papaya ay nasa 70 pesos kada kilo.
Posibleng mas dumagsa pa ang mga mamimili mamayang hapon para humabol sa pagsalubong ng Bagong Taon.
Nagpaalala naman ang mga otoridad na ingatan ang kanilang mahahalagang kagamitan o ilagay sa harap ang bag upang hindi mabiktima ng mga snatcher o mandurukot.
Mabigat naman ang daloy ng trapiko sa paligid ng public market kaya’t yung mga babiyahe palabas ng Pasig ay asahan na ang masikip na daloy ng trapiko.
