Maka-aasa sa zero-balance billing ang mga Pilipino, partikular ang mga mabibiktima ng paputok ngayong holiday season.
Ayon kay Assistant Secretary Albert Domingo, tagapagsalita ng Department of Health, bukod sa mga biktima ng paputok, saklaw din ng zero-balance billing ang mga maaaksidente sa kalsada dulot ng kalasingan o kapabayaan.
Sa kabila nito, binalaan ni Asec. Domingo ang publiko sa peligrong hatid ng paggamit ng mga paputok o pailaw bilang pampaingay sa pagsalubong ng Pasko at Bagong Taon.
Pinaalalahanan din ng DOH ang mga magulang at mga guardian na mahigpit na pagbawalan ang kanilang mga anak sa paggamit ng mga paputok.
Batay sa datos ng kagawaran, umabot sa apatnaraan dalawampu’t dalawa ang firework-related injuries sa National Capital Region pa lamang simula noong December 21, 2024 hanggang January 6, 2025, o kalahati ng 843 firework-related injuries sa buong bansa sa nasabing panahon.
