Tiniyak ni Senate Committee on Finance chairman Sherwin Gatchalian na wala nang ghost flood control project matapos linawin ng Department of Public Works and Highways ang mga nakitang red flags sa kanilang proposed 2026 budget.
Ayon kay Sen. Gatchalian, pinalagyan na nila ng station number ang mga proyekto na wala nito kaya imposible na magkaroon pa ng ghost projects.
Dagdag pa ng senador, habang hindi tiyak na 100 percent na malinis ang budget ng DPWH, nabura at nabawasan naman anya ang mga questionable items sa kanilang budget kasunod ng mga isinagawang committee-level deliberations.
Magugunitang isiniwalat ni Sen. Gatchalian ang mga “red flags” ng panukalang budget ng DPWH tulad ng mga proyektong walang station number, duplicated, at mayroong multiple phases.
—Sa panulat ni Mark Terrence Molave
