Mararamdaman na ang pagbaba ng presyo ng bigas dahil sa panahon ng anihan ng palay.
Ito ang binigyang diin ni Pangulong Ferdinand Bongbong Marcos Jr. sa harap ng binabantayang presyo ng bigas sa mga pamilihan matapos ipatupad ang price cap nitong unang linggo ng Setyembre.
Ayon kay Pangulong Marcos Jr., inaasahang magiging maayos ang suplay pagkatapos ng anihan dahil mas malaki ang magiging ani ngayon ng mga magsasaka.
Batay anya sa ulat ng Department of Agriculture, mas malaki ang produksiyon ngayong taon ng mga magsasaka.
Giit ni PBBM, na maraming suplay ng bigas sa bansa at hindi lamang aniya ito nailabas ng tama kaya’t ito ang inaayos ngayon ng pamahalaan.