Muling humiling ang Independent Commission for Infrastructure sa Department of Justice na mag-isyu ng immigration lookout bulletin laban sa iba pang mga indibidwal na iniimbestigahan dahil sa sinasabing pagkakasangkot sa maanomalyang flood control projects.
Kabilang dito sina dating Caloocan Representative Mary Mitzi “Mitch” Cajayon-Uy, Arturo “Art” Atayde, Alvin Tan, Bong Marasigan, Elmer De Leon, Ed Fuentebella, Johnny Santos, John Mary Vianney Parago, Alvin Mariano;
Gayundin sina Ryan Uy, Darryl Recio, Nestor Venturina, Benjie Tocol, District Engineer Aristotle Ramos, District Engineer Michael Rosaria, at Engineer Angelita Garucha.
Una nang sinabi ng DOJ na sa ilalim ng ILBO, ipinag-uutos sa mga kawani ng immigration na ipaalam sa mga law enforcement agency ang mga pagbiyahe ng mga indibidwal na nakasailalim sa kautusan.
