Iginiit ni Health Secretary Teodoro Herbosa na mas mainam kung ilalaan na lamang sa health sector ang bahagi ng pondo para sa mga flood control project.
Ito’y matapos mabunyag na ang ilang flood control projects sa bansa ay guni-guni lamang, palpak, at substandard.
Ayon kay Sec. Herbosa, makatutulong ang karagdagang pondo upang madagdagan ang mga libreng benepisyo at gamot na ipamimigay ng pamahalaan sa mga Pilipino.
Binigyang-diin din ng kalihim na napapanahon na para gawing libre ang pagpapagamot sa bansa.
