Tinawag na fake news ni dating Presidential Spokesman Harry Roque ang alegasyon ng Marcos administration na tatlo ang kanyang hawak na pasaporte.
Kasunod ito ng pahayag ni Justice Secretary Jesus Crispin ‘Boying’ Remulla na gumamit ng multiple passport si Roque para tumakas ng bansa at magtago sa ibayong dagat.
Ayon kay dating Palace official, gumamit lamang siya ng isang regular passport, habang ang dating pasaporte nito ay hindi ginagamit dahil sa kakulangan ng mga blankong pahina.
Nilinaw pa ni Attorney Roque na hindi siya gumagamit ng diplomatic passport mula nang mabitiw siya sa serbisyo.
