Binigyang-diin ni House Assistant Minority Leader Arlene Brosas ang kahalagahan na maikunsidera ng administrasyong Marcos ang pagbalik ng Pilipinas sa pagiging miyembro ng International Criminal Court.
Ayon sa Gabriela solon, panahon na para muling bumalik ang bansa sa ICC matapos ang anim na taong pagkalas nito mula noong 2019.
Dapat aniyang ipakita ni Pangulong Ferdinand Marcos Jr. ang commitment ng gobyerno na protektahan ang karapatang pantao at panagutin ang mga matataas na opisyal na nang abuso sa kapangyarihan, pananakot, at iligal na interes.
Iginiit ng mambabatas na ang pagpapakulong ng ICC ay simula pa lamang at dapat nang wakasan ang culture of impunity.
Naniniwala ang Kongresista na mas mahalaga ring mapalakas ang justice system sa bansa dahil hindi pa rin napapanagot ang mga sangkot sa krimen na may posisyon sa gobyerno. —sa panulat ni Laica Cuevas mula kay Geli Mendez (Patrol 30)
