Binawian ng buhay ang isang lalaki matapos na aksidente nitong mahawakan ang live wire na nasa puno ng kaymito habang namimitas ng bunga nito sa Central Naic Cavite.
Kinilala ng awtoridad ang biktima na si alyas “Julian”
Sa imbestigasyon ng mga pulis, nagpaalam umano ang biktima sa kanyang kapatid na mamimitas ng kaymito.
Hindi ito pinayagan na umakyat sa puno subalit hindi nakinig.
Sandali umanong umalis ang kapatid subalit pagbalik niya ay nakita na nito ang katawan ng biktima na halos nangingitim na at wala nang buhay.
Posible umanong nahawakan ng biktima ang live wire sa nasabing puno dahilan upang makuryente at masawi.
