Sumadsad ang trading price ng asukal.
Ayon sa United Sugar Producers Federation of the Philippines, naglalaro nalang sa P2,300 hanggang P 2,500 ang trading price ng kada 50 kilo ng raw sugar.
Paliwanag ni UNIFED President Manuel Lamata, mas mababa ito kumpara sa ginagastos sa produksyon ng asukal.
Matatandaang noong nakaraang taon, iniulat ng Sugar Regulatory Administration na nasa P3000 kada 50 kilo ang trading price ng asukal.
Kaugnay nito, iniulat ni UNIFED President Lamata na umabot sa limang bilyong piso ang alokasyon ng pamahalaan upang direktang makabili ng asukal sa mga magtutubo.
Layunin nitong mapaliit ang agwat ng farmgate price at retail price nito. – sa panunulat ni Charles Laureta
