Sa pinakahuling datos na inilabas ng Philippine Statistics Authority o PSA noong October 6, 2023, makikitang may significant improvement ang labor sector sa bansa. Mula sa 5.3 % noong August 2022, bumaba sa 4.4 % ang unemployment rate ng Agosto ngayong taon. Bumaba rin ang Underemployment Rate from 15.9 % last August 2022 to 11.7 percent nitong august 2023.
Dahil dito, iginiit ng Presidential Communications Office o PCO na dedicated at committed si Pangulong Ferdinand ‘Bongbong’ Marcos Jr. Na magbigay ng high-quality at well-paying jobs para sa mga Pilipino.
Ano nga ba ang mga ginagawang aksyon ni Pangulong Marcos para mabigyan ng maayos na trabaho ang mga pinoy?
Tara, suriin natin yan.
Matatandaang noong September 27, 2023, pinirmahan ni Pangulong Marcos ang Republic Act 11962 o Trabaho Para sa Bayan Act bilang batas. Lubos na hinangaan ng netizens ang naging hakbang na ito ng pangulo. Through upskilling at reskilling, palalakasin ang employability at competitiveness ng mga Pilipino sa bisa ng trabaho para sa Bayan Act. Inaprubahan din ng senado ang Public-Private Partnership Act kasabay ng paglulunsad ng National Innovation Agenda And Strategy Document for 2023-2032. Ang mga ito ay inaasahang lilikha ng mas maraming trabaho para sa mga Pilipino.
Samantala, viral ngayon ang Food Stamp Program ni Pangulong Marcos at ng Department of Social Welfare and Development o DSWD na inilunsad nitong September 29, 2023. Sa Food Stamp Program, mabibigyan ang Food-Poor Filipinos ng Electronic Benefit Transfer Cards na may lamang 3,000 pesos monthly. Maaari nila itong gamitin para makabili ng prutas, gulay, karne, at bigas sa DSWD-Accredited Partner Retailers.
Ayon kay DSWD Secretary Rex Gatchalian, Investment ng Administrasyong Marcos ang food stamp program. May kondisyon para maging bahagi nitong programa. Una, pipili ng pagkain ang beneficiaries galing sa healthy food menu na developed and certified ng Food and Nutrition Research Institute. Dahil may pagkain at hindi na gutom ang beneficiaries, may sapat na silang nutrisyon at enerhiya para makapagtrabaho. Tutulong dito ang Department of Labor and Employment o DOLE at Technical Education and Skills Development Authority o TESDA.
Sa mga programa at batas na ipinatupad ni pangulong marcos, masasabing gumagawa siya ng aksyon para masolusyunan ang mga problemang kinakaharap ng labor sector. Ayon nga sa PCO, hangad ng administrasyong Marcos na magkaroon ng more resilient at prosperous future ang bansa sa pamamagitan ng pagpapaunlad ng mga manggagawang Pilipino.
Sa iyong palagay, ano pang mga programa ang dapat tutukan ng gobyerno para magkaroon ng high-quality jobs ang mga Pilipino?
