Nakapagtala ang Department of Health (DOH) ng kabuuang 291 fireworks-related injuries mula December 21, 2022 hanggang January 5, 2023.
Mas mataas ang nasabing bilang ng 55% kumpara sa 188 na kaso sa kaparehong panahon noong nakalipas na taon.
Mula sa 291 caseload, 290 dito ay nasugatan dahil sa paputok habang isa naman ang kaso ng stray bullet injury.
Nasa 105 indibidwal ang nagtamo ng sugat sa kamay, 80 sa mata, 39 sa ulo, 37 sa binti at 33 sa bisig o braso.
Karamihan sa mga biktima o 231 sa mga ito ay pawang mga lalaking edad 1 hanggang 80 taong gulang.
Nangungunang sanhi ng fireworks related injuries ang kwitis, boga, 5-star, at fountain.
Sinabi ng DOH na wala namang naiulat na fireworks ingestion.
