Muling ipinaalala ng Bureau of Immigration (BI) sa kanilang mga tauhan sa Ninoy Aquino International Airport (NAIA) ang umiiral na “No Leave Policy”.
Ito’y ayon kay Immigration Commissioner Norman Tansingco, matapos silang bahain ng reklamo makaraang mawalan ng tao ang ilang immigration booth sa NAIA Teminal 3, kahapon.
Nagresulta ito sa pagbuhos ng mga pasahero sa departure area na umabot hanggang sa walkway ng paliparan.
Dahil dito, nagpakalat na rin ng karagdagang tauhan ang BI upang aksyunan ang kakulangan ng manpower sa paliparan at mabawasan ang dami ng mga pasahero. – sa panulat ni Hannah Oledan
