Inihahanda na ng pamahalaan ang diplomatic protest ng Pilipinas laban sa China.
Kasunod ito ng pananatili ng mga chinese vessel sa Iroquois Reef at Sabina Shoal.
Ayon kay Department of Foreign Affairs (DFA) Spokesperson Ma. Teresita Daza, hinihintay nalang nila ang official reports hinggil sa paglabag ng mga Chinese Coast Guard sa west Philippine Sea (WPS).
Matatandaang kinumpirma ni Western Command Wescom Chief Vice Admiral Alberto Carlos, na may mga Chinese vessel ang nagkumpulan malapit sa palawan na pumipigil umano sa paghahanap buhay ng mga pilipinong mangingisda.
Iginiit ni Daza na nasa halos dalawandaang note verbale na ang inilatag ng bansa matapos ang insidente ng pambu-bully ng mga Chinese Coast Guard.
