Iniimbestigahan na ng Philippine Ports Authority (PPA) ang umano’y iligal na paniningil sa mga pasahero ng insurance sa mga pier.
Ito ayon kay PPA Spokesman Eunice Samonte, ay batay sa mga sumbong na natatanggap nila mula sa mga pasahero.
Nilinaw ni Samonte na walang dagdag-bayarin para sa insurance kapag sumasakay ng barko ang mga pasahero dahil kasama na ito sa kanilang binayaran.
Hinimok naman ng opisyal ang mga pasahero na agad iulat sa port police ang ganitong mga insidente o mga dagdag na paniningil. — Mula sa ulat ni Aya Yupangco (Patrol 5)
