Bumaba na ang naitalang panibagong kaso ng COVID-19 sa Pilipinas.
Batay sa datos ng Department of Health (DOH) na inilabas kahapon, bumaba sa 9,493 ang bagong kaso na pinakamababa simula nitong Enero 4, 2022.
Para ito sa kabuuang kaso na nasa 3,569,665.
Nasa 176,053 ang aktibong kaso.
Nadagdagan naman ng 24,210 ang mga gumaling dahilan para sumampa na sa 3,339,558 ang recovieries.
Habang umabot na sa 54,054 ang mga nasawi matapos itong madagdagan ng 51 kahapon.
Lahat ng mga laboratoryo ay operational noong January 30, 2022 habang mayroong 10 laboratoryo na hindi nakapagsumite ng datos sa COVID-19 Document Repository System (CDRS).