Sa kulungan ang bagsak ng isang lalaki na naghanap ng “dinosaur” sa isang tindahan ng lechon manok sa Daet, Camarines Norte.
Batay sa ulat, nagbanta umano ang suspek na mamamaril ng kustomer nang hindi nito makuha ang binibiling “dinosaur”.
Agad naman itong ini-report nang may-ari sa Daet Municipal Police Station na siyang ikinadakip ng suspek.
Sa pahayag ng may-ari ng tindahan, posibleng nagbibiro o nagti-trip lang ang lalaki dahil mayroon itong kasama na kumukuha ng video.
Samantala, itinanggi naman ng suspek na mayroon siyang dalang baril.
Posibleng maharap ang lalaki sa mga kasong grave threat at alarm and scandal.
