Pumalo na sa 3,000 ang naitatalang bagong kaso ng COVID-19 sa lalawigan ng Laguna.
Ayon kay Governor Ramil Hernandez, nasa 3,000 ang aktibong kaso ay 26 dito ay dinapuan ng nakakahawang Delta variant virus.
Aniya, dahilan ito kung bakit isinailalim sa Enhanced Community Quarantine (ECQ) ang probinsiya hanggang sa kalagitnaan ng Agosto.
Dagdag ni Hernandez, nagpapatupad na ngayon ng mas mahigpit na health protocols at nagdagdag na rin ng puwersa ng mga kapulisan sa naturang lugar.
Bukod dito, pinaiigting na rin ng lalawigan ang pagbabakuna kung saan nagkukulang na sila ng suplay ng bakuna sa lugar.
Samantala, umaabot pa lamang sa 10% ng target population ang natuturukan ng bakuna kontra COVID-19 sa lalawigan.