Patay ang magkapatid na sina Princess Terez, 12 anyos at kapatid nito na si Justin, 10 taong gulang, matapos na malunod sa kasagsagan ng pananalasa ni bagyong Pepito sa Sta. Maria, Bulacan.
Ayon sa ina ng mga biktima na si Joralyn Terez, nasa trabaho siya nang maligo sa ilog ang kanyang dalawang anak kasama ang kanilang pinsan.
Labis ang hinagpis ni Joralyn dahil wala syang nagawa upang pagbawalan ang kanyang mga anak na magtungo sa ilog dahil sa masama ang panahon.
Inabot naman ng dalawang araw bago natapos ang retrieval operations ng mga otoridad.