Sinimulan na ng Lokal na pamahalaan ng Pasig City ang taon-taon nitong pamamahagi ng ‘Pamaskong Handog’ packs.
Unang nakatanggap nito ang mga residente ng barangay Pinagbuhatan at Barangay Buting gayundin ang mga pamilya mula sa Barangay Pinagbuhatan Proper, Malinao at san Joaquin.
Aabot sa 30,000 packs ang inihanda ng Pasig City LGU para sa mga Pasigueño, kung saan naglalaman ito ng mga produktong maaaring ipanghanda sa Pasko.
Nakatakda namang ilabas ng Pasig City Public Information Office tuwing umaga ang lugar kung saan isasagawa ang distribusyon ng pamaskong handog upang maiwasan ang pagdayo ng mga residente mula sa ibang lugar.
