Naghahanap ng pondo ang Department of Budget and Management (DBM) para sa patuloy na pagbibigay ng Health Emergency Allowances sa mga Healthcare workers.
Ayon kay Health Officer-in-Charge Maria Rosario Vergeire, humiling ang kagawaran sa DBM ng pondong P27B para sa benepisyo ng mga Healthcare workers mula Hulyo hanggang Disyembre 2022.
Sumagot na anya ang DBM sa Kagawaran na patuloy nang humahagilap ng pondo at karagdagang revenues.
Samantala, kailangan din umanong suriin ng Bureau of the Treasury (BTR) ang P27B na kahilingan ng DOH. —sa panulat ni Jenn Patrolla
