Hindi pa sarado ang kaso sa pamamaslang sa beteranong mamamahayag na si Percival Mabasa o mas kilala bilang “Percy Lapid.”
Ito ang sinabi ni PNP Spokesperson Police Colonel Jean Fajardo dahil ang sumukong gunman pa lamang aniya na si Joel Escorial ang nasa kanilang kustodiya.
Ipinunto pa ni Fajardo na hindi pa nahuhuli ang mga pinangalanang kasabwat ng self-confessed gunman, gayundin ang mastermind sa likod ng krimen.
Sinabi pa ni Fajardo na ‘existing’ pa rin ang P6.5 million na reward para sa makapagbibigay ng impormasyon sa iba pang sangkot sa pagpatay sa brodkaster.
Nilinaw din nito na hindi mapupunta kay Escorial ang nasabing pabuya.
