Isa ang napaulat na nasawi habang isa naman ang nawawala sa Cagayan dahil sa Bagyong Maymay.
Ito’y ayon kay Cagayan PDRRMO Head Ruelie Rapsing, ngunit patuloy pa aniyang bineberipika ang natanggap nilang ulat.
Inireport aniya ng chief of police ng Santa Ana ang nawawalang indibidwal, at sa kabila aniya ng gale warning at ipinatupad na ‘No Sail Policy’ ay naglayag pa rin ito noong martes nang umaga.
Samantala, sinabi pa ni Rapsing na nasa 27 barangays ang naapektuhan ng Bagyong Maymay habang nasa 1,270 katao o 430 pamilya ang inilikas mula sa limang munisipalidad.
