Nakapagtala ang Department of Health (DOH) ng mahigit 2K bagong nahawa sa Covid-19 sa Pilipinas kahapon.
Sa datos ng DOH, umakyat ito sa 2,409 ang daily new cases.
Dahil dito, pumalo sa 27,129 ang active cases mula sa 26,380 noong Huwebes.
Habang sumirit na sa 3,963,666 ang nationwide Covid-19 tally sa bansa.
Naitala naman ang 1,526 na bagong gumaling kung saan nasa kabuuang 3,873,346.
Habang 42 naman ang nasawi kung saan nasa 63,191 na ang death toll.
