Nahalal bilang bagong pangulo ng PDP-Laban sa ilalim ni dating Pangulong Rodrigo Duterte si Palawan 2nd District Rep. Jose Alvarez.
Si Alvarez ang pumalit kay dating PDP-Laban President at dating Energy Secretary Alfonso Cusi na mismong nag-nomina sa kongresista sa isinagawang national assembly ng partido kahapon.
Isinabay ang national assembly sa ika-apatnapung anibersaryo ng PDP-Laban.
Kabilang din sa mga nahalal sa kani-kanilang pwesto sina senator francis tolentino bilang vice president for luzon; cebu city mayor mike rama bilang vice president for visayas;
Senator Ronald Dela Rosa bilang Vice President for Mindanao; Atty. Melvin Matibag bilang Secretary General; Pampanga 3rd District Rep. Aurelio Gonzales bilang treasurer at Senator Bong Go bilang auditor.
Dumalo rin sa naturang aktibidad si dating Pangulong Duterte na kasalukuyang chairman.
