Nakikita ngayon ng Department of Migrant Workers (DMW) ang pagtaas sa demand ng Pinoy Seafarers Abroad.
Ito’y kasunod ng pagbalik sa paglalayag nang nasa 89 percent na mga Cruise Ship Industry na mula sa Amerika, Germany, Italy, Australia at United Kingdom.
Dahil dito, puspusan na ang hiring ng mga manpower agencies ng mga seafarers kung saan aabot sa pitong libo ang kinakailangan nila.
Nasa 800 us dollars o katumbas ng halos 45,000 pesos ang karaniwang starting salary kada buwan basta may job experience na may kinalaman sa food and beverage at hospitality.
Hindi na rin kailangan na sumailalim sa quarantine period bago sumampa sa barko ngunit kinakailangan na fully vaccinated at isang booster shot kontra COVID-19 ang naturang aplikante.
